|
Written by Mizo Aw
|
|
Saturday, 24 July 2010 00:00 |
Assistant Interview Tling
Mizoram Public Service Commission-in Mizoram sawrkara thawk tur Assistant post ruak 20 hnawhkhah nana General Competitive Examination a buatsaihah chuan mi 1,856 an inlan a, chung zinga a ti\ha 65 chu interview turin koh an ni. An zinga 18 chu hmeichhia an ni a, August ni 9 atanga ni 13-ah dar 10:00 a.m. a\angin MPSC Chairperson office chamberah interview tur a ni.
Congress-in Thing Phun
Indian National Congress kum 125 tlin lawmna peng pakhat atan MPCC-in thingphun tura a ruahman chu Congress |halaite chuan a phun hna nimin khan 3rd.Bn.MAP hmun, Mualpuiah an thawk a, Mizoram Political party hruaitu boral tawhte hmingin an phun a ni. He thingphunnaah hian Green Mizoram Sub Committee Chairman & Parliamentary Secretary to CM Pu Lal Thanzara pawh a tel. INC kum 125 tlin lawm nan June ni 30 khan CTI Sesawngah thing an phun tawh bawk a, hetah hian Parliamentary Secretary Pu S.Laldingliana leh Pu Chawngtinthanga leh Pu Joseph Lalhimpuia, Vice Chairman, High Power Committeem, Lunglei ten an uap a ni. MPYCC cghuan thing phun hi mitinin uar turia an duh thu an sawi.
BSF Free Clinic
Border Security Force (BSF) hmunpui Durtlangah thawh\anni dar 10:00 a.m. a\angin damlo mamawhte tan man chawi loa doctor thiamte hnena inentirna an buatsaih dawn a, doctor-te hi phailam a\anga lokal an ni ang. Mi tupawh mamawhte chuan pan theih a ni e. Damlo enkawlna damdawite pawh an tumsak ang.
YMA Tan Fellowship
Nizan hmasa khan Central YMA Hall-ah Central Anri Drug Squad pualin inpawlhona (fellowship) an nei a, Rev.C.Chanchinmawia hnen a\angin Pathian thu an ngaithla a, CEC member te, Kumpuan lehCADS member-te an tel a, hlawk an inti hle.
MNYF-ten A Hmunah En
MNF |halai (MNYF) chuan Lungleng khuaa RD department hnuaia Congress Worker hnathawhte an en tih sawiin ram hmangaihtute tih atan a mawi lo an tih leh kristian tan zahthlak an tih thu an sawi. Cement ban tur tihte chu thingzai ban cement-a zut hnam mai maite a ni an ti.Leivung chunga lungrem karkhat pawh daih lo, chim leh nghal te leh lung hmante chu kutlawng pawha hmehkhem theih a ni an ti. Chief Minister, RD Minister leh bialtu MLA-ten hria se an duh thu an sawi.
2 Wheeler Kal Phal Loh
SP, Traffice chuan Dan leh sawrkar thuchhuahin thuneihna a pek angin Aizawla mipuite him zawk nan Modern English School a\anga New Market pana two wheeler kaltir \hin chu zing lam dar 8:00 a\anga dar 11:00 a.m. leh tlai lam dar 3:00 a\anga dar 5:30 inkarah chuan phal a ni lo a ti.Hei hian sawrkar holoday leh inrinni leh sunday a huam lo.
CM Relief Fund
Mi harsa zualte \anpui nana hman Chief Minister’s Relief Fund-ah Chanmari Unit Congress Aizawl chuan Rs. 10,000/- , MHIP Luangmual Branch te chuan Rs. 2,000/- an pe. |
