|
Manchester-ah Klass-Jan Huntelaar a lut |
 |
 |
 |
|
Written by Mizo Aw
|
|
Friday, 23 July 2010 00:00 |
Serie A club AC Milan chuan an Dutch striker Klass-Jan Huntelaar hralhchhuah an tum thu an sawi tawh a, chhuak ngei tura ngaih a ni. Huntelaar hian eng club nge a zawm dawn hriat a la ni lova, Manchester airport-ah an hmu hlawk mai a, City nge United a pan dawn tih chu zawhna a awm mek.
Kum 26-a upa Dutch striker hi United hian lak an lo tum tawh \hin a, an duh vak lo nge an rim ngawrh lem lova, Real Madrid-in la ta daihin Santiago Bernabeu-ah khelhna hmun a chang ta mang lova, Milan-in an lalut leh ta zel a ni. Milan-ah pawh beisei a phak lova, khelhna hmun a chang mumal zui ta chuang lo. A ropuina ram Dutch league a chhuahsan tawh si a lei rem rahna tur tunah hian a zawng mek niin a lang ta.
Kar kalta khan Milan chief executive Adriano Galliani chuan Premier league club-ah an hralh dawn tih a sawi zuk tawh a, kum 26-a upa Huntelaar hi Manchester club khawi zawkah emaw chuan a khelh kan hmuh hmel ta hle a ni.
Players leina tura sum ngah Man.City chu khan zawka ngaih an ni a, anni hian Valeri Bojinov leh Benjani te hralhchhuah an tum niin tarlan a ni a, City hian Wolfburg player Edin Dzeko, Torres pawh lei an tuma sawi a ni a, vawiin thleng erawh chua engmah thuchiang an la nei lo thung. Man.United an inlei belh dawn em hriat a ni lova, kumin nipuiah player naupang Javier Hernandez chu Mexican club Guadalajara a\ana lalutin defender Smalling pawh Fulham a\angin an lalut tawh a, midang an lakbelh ang em? Sawi theih a ni lova, eng pawh nise Manchester-ah chuan Huntelaar kan hmu dawn hrim hrim niin alang |
