|
Written by Mizo Aw
|
|
Friday, 30 July 2010 00:00 |
All India Football Federation chuan tunhnai khan Asian Football Confederation U-14 Football Festival a India aiawh tur India naupang 16 a thlang chhuak a, chung zingah chuan SSA Academy naupang pahnih Lalrammuana, Ramthar Veng Aizawl leh Lalruatsanga, Mamit te chu thlan tel ve an ni.
India U-19 Women’s Team tur inbuatsaihnaah Mizo nula pahnih C. Ramthanpuii leh Lal Sangkimi te koh an ni bawk a. India U -19 Women team te hian August ni 1 – 17 chhungin Lucknow-ah camp an nei ang a. Mizo nula te hi India team atan thlan an nih chuan AFC U-19 Women’s Qualification Round, 20th – 24th September 2010 chhung a Dhaka (Bangladesh) a neih turah an kal ang.
India U -19 team mipa te pawh tunlai hian Goa-ah an inbuatsaih mek a, India team-ah hian Mizo naupang pasarih ngawt an awm mek. Asian Games khel tura inbuatsaih mek leh season thar a\anga I – League khel tur, AIFF team zingah pawh Mizo tlangval pali Jeje Lalpekhlua, Lalrindika Ralte, F.Lalrozama, Malsawmfela te an awm mek bawk. |
