|
Ruah Surin Thihna Thlen Aizawl Veng 3-ah Lei Min |
 |
 |
 |
|
Written by Mizo Aw
|
|
Friday, 30 July 2010 00:00 |
Nizan hmasa (nilai zan)-a Aizawla ruah sur vak maiah khan Zemabawk North dam vengah in pahnih, Assam type ve ve chu leiminin a hnawl a, mi pahnih an boral. Zotlangah pawh Assam type inchhawng chhungkaw pahnih luah a hnawl bawk a, hetah hian mihring na an awm lo a, bungrua erawh a chhe nasa hle thung.
Zemabawk North Dam venga Krossmawia in hi anmahni leh chhungkaw pahnih Ricky Lalchuangliana leh Biakhmingliana-te chhungin an luah a, Ricky Lalchuangliana-te nau Tv.Malsawmtluanga, 19, Kawrthah khua leh a \hianpa Tv.Tomothy, 18, Zemabawk Galili veng khum khata mu dunte chu an boral. Tv.Malsawmtluanga ruang hi an khuaah lak a ni. Heng thite ruang leiin a chhilh chu nimin zing khawvar chian hma deuhah mi tlawmngaiten an haichhuak a ni.
Heng in pahnih leiminin a hnawlah hian in chhak zawk V.Lalhmingmawia te chhungkaw luah chu hlauhthawnna an neih avangin nizan hmasaah hian an riakchhuak a, tumah hnawl tel an awm lo a. In thlang zawk Krossmawia in, anmahni chhungkua leh a hnuailam chhungkaw dang pahnihin an luaha mi 16 riakte chu in min hian a hnawl a ni. Mi 2 thi bak mi dang 14 zinga mi 4 chu an hliam a, mahse, damdawi inah first aid pek an nih hnuin in lamah hawntir an ni.
Kan hriat theih chinah Tuikual C-a Pu Denghuaia in, Pu Neihthanga te chhungkuain an luah, Assam Type chu nizan hmasa dar 11:05 velah a chhak jeep kawng chung lama rawhung min chuan a hnawl a, a chhawng hnuaiah an lo awm lo hlauh a, a xhhawng chungah chuan awm se, an thi vek hial mai thei an ti. Pu Neihthanga-te chhungkua member 6 leh an mikhual pathumte nen in hian a tlukpui a, hliam nil nial damdawi ina first aid pek zawha hawntirleh an awm tih loh chu vanneihthlaktakin an him a ni. |
