mizoaw.com

MNF-ten Remna Ni Champha 24-na an  lawmnaah an party President 3-na, Pu Zoramthanga'n, “MNF-te'n Independence kan sual lo,” ... keimahni leh keimahni zalenna sual turin zalenna kan inpe a ni,” tiin Independence an sual loh thu a sawi a. He thu hi Mizo mipuite'n chiang lehzuala an hriat theih nan MNF President thusawi pawimawh lai MPCC chuan kan rawn chhuah nawnleh a ni.
“ ... kawng dang a awm ta lova, sipai nen an lo luh takah chuan I.P.C.-in min phuarna, India danin min phuarna lak a\anga zalen turin keimahni leh keimahni zalenna sual turin zalenna kan inpek a ngai a ni, an ti a. Tichuan, keimahni leh keimahni zalenna inpe turin 1966 March 1 khan Independence an puang ta a. Tun a\ang chuan Mizoram hi zalen kan ni ta. India danin min phuarna zawng zawng lak a\ang hian kan zalen ta. Keimahni leh keimahni zalenna kan inpe e,” an tia chu chu mahnia zalenna inpekna tur atana Independence "unilateral declaration of independence,” a ni.
Tichuan, IPC-in min phuar tawh lova, mahniin Constitution kan insiam a, mahniin sipai kan insiam a, mahniin President kan insiam a, mahniin Parliament kan insiam a, Independent kan puang ta. “Independence kan sual lo. Sual lo pawh ni lovin keimahni leh keimahni kan inpe a. Independent-in kan kal a ni. Chu chu a nihna tak a ni.” a ti. (Source - Aizawl Post Daily Newspaper, 1st July 2010, Frontpage Headline)
He thu hi MNF President in Remna Ni-a a sawi a ni. President berin, "Independence kan sual lo," a tih chuan keinin, "In sual kha.." kan tihsak thei lo. Chuvang chuan MNF President thusawi hi MPCC chuan hnialna dang kan nei lo.
Mizo mipuiten, Independence an sual emaw kan tih chhung, kum 20 an underground lai khan ram hnuaiah an independent lek a lo ni, tih erawh chu MNF President a inpuan har em vangin mipuiten kan hre tlai deuh a ni.
Tihian tuma sawisak leh puh ngai lovin Independence an sual lo tih chu an hotupain a puang chiang ta a. Hei hi Mizo mipuite tan thu thar a nih avangin a hria apiangin a zau thei ang bera inhrilhdarh turin MPCC chuan mitinte a ngen a ni