mizoaw.com

Politician-ten thil an sawi hian an party ni lote chuan awi loh chanin an lo chang emaw a ni \hin a, Saitluk rama aiport chungchang pawh hi chutiang a niawm e. Nimina Lunglei bawrhsap Pi M.Zohmingthangi hova a pisaa nimina Lunglei Airport Committee inkhawmah chuan Pu Bowman, SE,PWD chuan Saitluk Aiport tur enfiahna report a pe a, an surver report ang chuan Saitluk Airport tur atana tih lai ramah hian luikawr thuk tak tak leh a bulah tlang rawt ngaite a awm a, tlang rawtna leite chu luikawr hnawhkhah nan hian a tlak dawn loh a ni. Saitluk ramah hian airport siam tur ni ta se thlawhna lian \um nan chuan engtikawng maha siamtlak a ni dawn lo a ni.
Hetiang a nih avang hian Committee chuan Saitluk rama airport siam tumna chu thil theih lohah a ngai ta a ni. Thlisam ram pawh airport atan hian en a ni a, fur ruahtui a kian deuhah a kalna kawng High Power Committee sum hmanga siamin en\hat leh ni se, a theih hram chuan airport siam ngei tum ni se an ti.
Hetia airport siam a nih hma hia hman theih turin Kawmzawl thlawhna \umhmun siam\hat thuai ni se, thlawhna te chi passenger 30/40 vel chuah theihna tur \umtir thei tura ruahman ni se Committee chuan a ti bawk.
Chief Minister hma laknain district headquarters tinah helicopter service a rang lama tih tum a nih thu Pu Lalzawma, Consultant, Civil Aviation chuan he inkhawmah hian a sawi a, he Committee inkhawmah hian Lu nglei district MLA Pu S.Laldingliana, Parliamentary Secretary leh Pu Joseph Lalhimpuia pawh an tel.