KL Liana’n Mi 2 A Chhuah
R.Zodinpuii, Chaltlanga awm (Leisen, Myanmar) chu kum 2006 January ni 17-a a kut a\anga pawisa note lem, Rs.1,000 notre 2, Rs.500 note 2 leh Rs.100 note 1 mansak thubuaiah court chuan nimin piah khan a chhuah.
Addl. District & Session Judge I Pu K.L.Liana chuan pawl 4 thleng chauh zir, Zodinpuiin heng pawisa note lem-te hi hre lovin, ready made a zawrh leituten an pek a dawn a ni a tih chu a pawmsak a. Hrereng chunga a dawn a nih tih finfiahna a awm lo a ni.
Pu K.L.Liana hian thawhlehni khan a nupui \hen tawh, a koh haw theih loh Lalngaihzuali, Ramhlun South ni 1.8.2006 zinga a \hiannu nen khawlaia an kal lai ko dinga, chowka chemtea hmun thuma vittu K.Vanlalhlua chu thiam loh chantirin thlakhat lung in a lo tan tawhin a hrem a, K.Vanlalhlua hi a thubuai a\ang hian a fihlim nghal.
Vanlalhlua hi kum 5 chhungin court-ah a kal \ha em em a, a nupui hlui hian a ngaidam bawk a, chubakah Vanlalhlua’n a vihnate chu simple injury an ni a, damdawi ina a awm pawh a ngai lem lo a, chuvangin Vanlalhlua chungah hian court chuan zahngaihna a lantir a ni.