Republic Day-a Lawmman Late
Aizawla nimin Republic Day vawi 63-na lawmnaah chuan Parade Contigent 26-Silai keng 4, silai keng lo 6 leh school 12 bakah Band Party 4 an lam (parade) a. Parade-a ti\hate silai kengah pakhatna 1st Battalion CRPF, pahnihna 3rd Battalion MAP leh pathumna chu 1st Battalion MAP te an ni a. Silai keng lo-ah pakhatna chu Ex-Servicemen Contingent an ni a, pahnihna St. Mary’s School Scouts & Guides Contingent, pathumna 20th Indep.Coy Mizoram NCC an ni. School contingentah pakhatna, pahnihna leh pathumna chu St. Paul’s HSS, Helen Lowry HSS leh Govt. Mamawii HSS an ni.
Governor’s Gold Medal dawngtu chu Sub Inspector V. Lalbiaksanga Champhai DEF a ni a. New Delhi a\anga Republic Day dawna President’s Police Medal for Distinguished Service dawng tur puan zingah Pu Saizela IPS DIG(Hqrs) a tel a, Police Medal for Meritorious Service dawng tur thlan zingah Pu C. Lalthanmawia, SP Champhai; Pu Lalmuanpuia Vice Principal Police TC Thenzawl leh Pu Ngurthanzauva Inspector (Training) MPRO te an tel.
Dr. R L Thanmawia, Ramhlun chu Padma Shri dawng tura thlan mi 77 zingah a tel. National Communal Harmony Award,2011 dawng tur mimal thlan pahnih zingah Pu Khamliana, Kanan Veng Aizawl a tel.
Ram puma naupang huaisen te chawimawina Jeevan Raksha Padak Awards 2011 New Delhi-a hlan zingah Mizoram naupang 6 an tel a, Jeevan Raksha Padak Awards hlan zingah lawmman sang ber Sarvottam Jeevan Raksha Padak chu C . Lalduhawma (boral tawh) a tel bawk. Jeevan Raksha Padak Awards dawngtute chu Martin Lalthamawia, Lalremmawia Sailo, Lalpuihzuali, K.Lawmsanga leh Lalmawizuali te an ni.