Power Harsatna Ziaawm Sawt Tak Maw? Larsapin Serlui B Hawn Theih A Ni Tawh A ti
Mizoram larsap Vakkom Purushothaman chuan nimin Republic Day champha vawi 62-na Aizawl Ramhlun Sport Complex-a lawmnaa thu a sawiin Mw 12 kawphetha siam chhuak thei Serlui B Small Hydel Project chu hman theiha peih a ni tawh a ni a ti a, ‘surge shaft gate’ chu siam\hat a ni tawh a, hawn mai theih a ni tawh a ni a ti.
Larsap hian sawrkarin industry lama hmasawnna leh mipui khawsak phung \hat zawk nan power leh electricity chu thil \ul berah a ngai a ni a ti a, sawrkarin helama \an a laknate sawiin larsap chuan kawlphetha Mw 216 siamchhuak thei tur Tuivai HEP chu India sawrkar Ministry of Finance Department of Economic Affairs a\anga pawisa (Viability Gap Funding) hmangin Public Private Partnership-in thawh mek a ni a ti a. Mw 815 siamchhuak thei tur Lungreng HEP, Chhimtuipui HEP kawlphetha Mw 635 leh Mat HEP Mw 76 siamchhuak thei tur chu NEEPCO thawh turin MoU sign a ni tawh a ni a ti.
Governor chuan Kaladan Phase II HEP kawlphetha Mw 460 chu kum 6 leh a chanve chhunga zawh turin thawh mek a ni a ti a, Tuirini leh Tuivawl HEP te chu state sawrkar Hydro Electric Project policy angin Build, Own, Operate and Transfer (BOOT) kalphunga thawh turin a thawk theitu (developers) hnenah hlan a ni tawh a ni a ti.